Tikli n Yidles d Tugdut tesskanay-d aɣilif-nnes alqayan d lɣiḍa-nnes tameqrant deffir ma yenna-d Mass Mohamed El Amine #Belghit s ljehd aṭas deg teɣwalt n Sky News, yerna deg-sent yettcetki Tamaziɣt d wakk wid ay ixeddmen akken ad tt-snernin d akken d ayen ay d-snulfan yimesnallunen (services) iṣ̣ehyuniyen ed yifṛensisen. Tazmert n tɣamsa (média) d tin ay yesɛan lxir am wakken ay tesɛa ccek, yerna iswi-nnes d asfeḍ n tdukli n weɣref adzayri ed ussehres n yiwen seg yiẓuran igejdanen n tmagit-nnes.
Inaw-a (discours) amesbaṭli, ay d-yettwaqeddmen deg yiwen n lḥal aɣelnaw ed temnaḍt aydeg llant tɣawsiwin s lqerb, d aḥric seg yiwet n tesnatwilt (technologie) ay d-yettilin s tɣawla yerna iswi-nnes d asseqdec n tferqent ed ussebɣes n ccwal ddaw tmeẓdit n tɣelnawt n lekdeb. Afran n yiwet n tmeẓdit (plateforme) n tɣamsa (média) n Yimarikaniyen i lmend n ussebded n tɣawsiwin am tigi yesskanay-d ur nettmeslay ara ɣef yiwen n ṛṛay afraray, wanag ɣef wawal n ccek ay d-yettwabnan yerna yettḍurru.
Tamaziɣt, i d-yersen di tmendawt d tutlayt taɣelnawt d tunṣibt, ur telli ara kan d tamsalt tadelsant : d ssebba n nnif, azbu d tmagit. Ad t-nessemgerrad ass-a ed yiwet n temhelt (opération) n tɣellist (sécurité) taberranit, d ayen ara d-yesmektin s ussehres (répression) n weɣref (cceɛb) s lekmal-nnes ed ussemres n yiman-nnes ed tmuɣliwin (thèses) ay d-yellan s tɣawla yerna s tɣawla deg umezruy-nneɣ.
RCD yesmektay-d belli yella deg umennuɣ asertan i usteɛref s uferdis amaziɣ deg tmagit taɣelnawt. Yettḥettim s ljehd tiɣriwin-a ay d-yemmalen aɛetteb ameqran ɣef llsas n tudert-nneɣ akk, d aḥbas n ccwal ed tukerḍa n umenzaḍ (principe) n llsas n tegnit n tdukli n yiɣermanen, d llsas n yal tugdut n tidet.
S yisem-nnes d akabar amagday ed win ay d-yettawin sdat, #RCD yugi ad yerr tiɣriwin am tigi d timeẓyanin yerna tessutur ad ilint d asentel n ussteqsi asertan, adduklan ed tɣawsiwin n tɣawsiwin. Yessawel i yiduba inagduden akken ad ṭṭfen s lekmal-nsen lḥeqq-nsen deg uḥraz n tdukli taɣelnawt d yimenɣi mgal wakk talɣiwin n wawal aɛewwiq neɣ n ccwal.
#RCD tessawel daɣen i yiɣallen n tudert n tmurt – imnadiyen, inaẓuren, imeɣnasen – akken ad sbedden iman-nsen akken ad ḥebsen aḥbas-a n tmeẓẓuɣt ay yettɛerrḍen ad yessemɣer tamekti-nneɣ, amezruy-nneɣ d tmagit-nneɣ, i lfayda n lfaydat ur nettwabder ara yerna ur ttqeddimen ara s kra n tɣawsa i Lezzayer, wanag, s lbaṭel, ttnadin ad tt-sbedden.
Lezzayer tamanaɣt, 2 mayu 2025
Farida Merdaci, tamarayt taɣelnawt n yedles.
