Accṛem n Tmendawt

Auteur:

Publié: 30/07/08

Aqerru n lḥukuma itaxeṛ membaεd aqeddem, di yulyu 2007, n wahil-ines zdat n Tejmaεt taγelnawt tamaynut, alaḥsab n umagrad 80 n Tmendawt.

Iruḥ mebla ma yerra-d γer mlizan ayen ixdem, ayagi s waṛkeḍ n umagrad 84 n Tmendawt d-iqqaren ilaq ad yefk leḥsab zdat n tgensest taγelnawt.

Aqerru n lḥukuma amaynut yewweḍ-d, ula d netta ur d-ssers ara ahil-ines zdat n Amawni s uccṛem n umagrad 80. Argaz mačči n yiḍelli. Aṭas n tikkal yella d Aqerru n lḥukuma, yeğğa amkan-is, di 2005, mebla ma ifka-d tamaγant dzat tejmaεt tamawnit.

Medden akk iẓran, aqadar n uzref sγur imḍebbṛen ur yelli ara d aγbel i udabu si tmunent ar as-a.

D amekkan usanfar n uzref s timmad-is, Amawni iqqul d allal i udem amagday i ibγa udabu ad ifek ar beṛṛa.

Tamendawt iggra-as-d uccṛem icban wagi.

Annect-a mačči tura d-innulfa, maca lḥirfa-ya n uccṛem n Tmendawt yuγal am lḥemdu di tẓalit seg 1999. alarmi ur nefhim ara acuγer babben aka talluft-agi uεiwed neγ ala n uḍris-agi amedru i lmend n laεhed nniḍen i tselwit.

Iqqim-d wugur n tidett, win n tsudutt ur iddin ara aked tmettisent (sociologie) n Izzayeriyen d umezruy-nnsen.

Asenfar n RCD iberrem tamsalt-agi. Ixf III n wahil-ines iεnan asengara ger idabuyen (la s�paration des pouvoirs) isqerdec mliḥ talluft-agi.