Deg temsal n tefranin, Lezzayer ulac acu ur d-snulfa ara. Nesɛa tibbwaḍin n lluḥ, nessen lbuṭ n wid yemmuten, tifrent snat tikkal ; atan tura lbuṭ war tibbwaḍin.

Deg lawan i nettaru aḍris-agi, �lbuṭ� ibda deg lkaziṛnat n temsulta d lɛeskaṛ. Ihi deg uɣerbaz n temsulta n Baraki (Lzayer), di tṣebḥit n 8 ibrir, ibulisiyen nnan-asen ad ssuffɣen lkarṭat n lbuṭ. Imir, lkaɣeḍ-nni n ubulis as-d-rren le cachet ad jerden isem-is, ma d netta ad yuqel ar umkan-is melba ma ibuti. Amek dɣa ar ifren imi ulac tabbwaṭ din.

Ilaq ad nesmekti d akken lqanun n tefranin igdel lbuṭ di lkaziṛnat ; iɛeskṛiwen neɣ ibulisiyen d iǧadermiyen ad buṭin s les procuations deg temdinin anda zedɣen.