Xas yella usemmiḍ, xas adfel yesna-tt di tɣaltin n Summam, ayagi ur yemniɛ ara imeɣnasen d imeddukal n Ugraw i yedles d tugdut ad ḥedren asarag d-yellan ilmend n umulli wis 21, taggara n duṛt iɛeddan, deg uxxam n yedles n Bgayet, asarag xedmen MM. Mohcine Belabbas d Boubekeur Derguini, imazanen, imarayen iɣelnawen. Awal yezzi ɣef uɛiwed lebni aɣelnaw neɣ la refondation nationale, askasi d-ijebden aṭas n lɣaci imi tazeqqa teḍḥa-d mezziyet maḍi akken ad tawwi annect-nni n yemdanen ger imeɣnasen d yemeddukal n ukabar, alarmi kra ḥedren asarag s ibeddi. Garasen imeɣnasen n Tirni iɣalen inemlayen, igensas n tdukliwin am Tiɣtas n Tuber 1988, tarwa n ccuhada n lwiaya n Bgayet d wiyaḍ nniḍen.

Di tazwara, awal n M. Mohcine Belabbas yewwi-d ɣef liḥala n tmurt. � Tamurt truḥ deg useyax, adabu ur yesɛi leqdaṛ, tadamsa truḥ degsent, tuddsiwin d asedduxuy imi feggeḍent tejɛal, ma d tazɣent ur d�tufi tifrat. � D awal n tidett, mačči am usaru n ccetwa d-yeddan deg tɣamsa ɣef tejɛal, d-isefhem umsareg. � Bɣan ad aɣ-kkelxen s umennuɣ-agi megdal tijɛal netta di tilawt ur yelli kra. D amennuɣ tnuḍin, d aɣebbaṛ s allen. Zemren ad fken d asefel kra imḍebbṛen iwumi ar sbbiben akk tilufa. Am di temsalt n Khalifa, ula d yiwen deg imḍebbṛen mačči ad tḥaz tyita di temsalt n Sonatrach aked ubrid amuqran Asammer-Amalu. Ama d aqerru n Ddula, Aneɣlaf amezwaru neɣ ineɣlafen mačči d lfalṭa-nsen. Ṭṭfen adabu amaɛna ur tentaɛna ara temsalt deg wayen d-iḍerrun�, d-yenna umsareg. Amaray aɣelnaw n tulɣut n RCD yuɣal-d ɣef tikti n uɛiwed lebni, tikti d-yessers ukabar ar wennar di 1998, am akken tt-yegzem di ṛṛay uswir n Summam inwan yakan ad yekkes imfernen di tudrin. Melba ma yettu ad yesmekti d akken la regionalisation, d tifrat deg umaḍal tura. �RCD yebɣa tifrat taspenyulit, tin yebḍan tamurt ɣef lsas n la regionalisation modulable�, d-yenna.

Ikemmel awal-is ɣef temsalt-agi s imedyaten deg umaḍal, amek bnant tmura.