Di 10 yennayer 2010, tarbaɛt tawamnit n RCD tequbel di Tejmaɛt taɣelnawt sandikat n ṭebbat ixeddmen di ṣbiṭarat, SNPSP aked SNPSSP. Igensasen n sandikat-agi sfehmen-d i inefranen n Ugraw acuɣer xedmen lagrif am akken ssuturen lemɛawna n iwamniyen-nneɣ aked ukabar-nneɣ.

Imi d-sfahmen d akken RCD ḥala netta i d akabar ibedden ar tama n sin-agi n sandikat, inebggawen-nneɣɣen-d ɣer sebbat iten-yeǧǧan ad xedemn lagrif akken ad ssutren ayen ḥwaǧen. ula

Iɣrad iɛlayen aked iḍrissen aten-iqadṛen deg uxeddim-nsen.

Asuter yenkeṛ uneɣlaf.

Amussu-yagi n usendadi aten yebda acḥal n leḍwaṛ tura, sebba-ines d assuffeɣ n sin yeḍrisen iɛnan ṭebbat, ayen umi semman le statut particulier.

Iḍrissen-agi ffɣen-d di Journal Officiel uṭṭun 70, ur d-rrin azal i tidi n ṭebbat, nutni yellan d ajeggu alemmas n tezmer taɣerfant.

Imejjayen-agi ittwaḥeqren deg unagraw n tezmert, iɣaḍ-iten lḥal imi fkan-d yakan, deg temliliyin aked tneɣlaft, ṛray-nsen ɣef iḍrisen, maca tabdelt tara-ten di rrif.

Abeddel-agi di ṛṛay sɣur tabdelt d tukksa n leqdaṛ ar imejjayen.

D ayen i yeǧǧan ad yili usendudi acḥal iseggasen aya, ayen tenkeṛ tneɣlaft n Tezmert.  Igensas-agi n sin n sandikat ugin iḍrisen-agi d�crets ex�cutifs iɛnan le statut particulier n imejjayen, ssutren deg iwamniyen n RCD ad ẓren taseqqamutt n tezmert di Tejmaɛt taɣelnawt akken ad ttusefesxen yeḍrisen-agi. D acu nutni atan bɣan ad tili tifrat i wugur-agi.

Di tama-nsen, imfernen n Ugraw ṭṭfen deg wawal-nsen ad xedmen ayen umi zemren akken ad yili umciwaṛ ad yawin tifrat i tezɣent-agi iɛeggben tazmert medden.

Din din, imazanen Lila Hadj Arab aked Mahmoud Boudarene, nutni d imaslaḍen n tseqqamutt n tezmert aked lecɣal imettiyen di Tejmaɛt taɣelnawt ẓran aselway n tseqqamutt-agi akken ad yemmager sandikat n imejjayen n tezmert taɣerfant.

Dr Boudarene isteqsa daɣen aneɣlaf n Tezmert ɣef temsalt-agi. Yura-yas tabratt anida issuter tifrat n tezɣent-agi izemren ad teglu s kra ama i tezmert ama i lɣaci.

Ɣret ihi deg wunnar n tefransist asteqsi n umazan Dr Mahmoud Boudarene yura i uneɣlaf n Tezmert anida i as-yenna ma yebɣa ad iseffsex iḍrisen d-yeffɣen ɣef le statut particulier n imejjayen.